Баткенде окуучулардын калайман мушташынан жабыркаган төрт баланын экөө ооруканада жатат. Бул тууралуу 16-апрелде “Азаттык” радиосуна өкмөттүн облустагы өкүлчүлүгү кабарлады.
Мекеменин басма сөз кызматынын маалыматына караганда, окуя 15-апрелде Баткен районунун Кара-Бак айылындагы Бото Нарматов атындагы орто мектебинде болгон. Калайман мушташ учурунда жараат алган төрт окуучуга облустук ооруканада медициналык жардам көрсөтүлгөн. Алардын экөө ошол күнү үйүнө чыккан, экөө жактырылган. Баарынын абалын дарыгерлер канааттандырарлык деп мүнөздөп жатышат.
Факт Кылмыштардын жана жоруктардын бирдиктүү реестрине катталып, сотко чейинки териштирүү башталды. Иликтөөнүн жүрүшүн облус башчысы Өмүрбек Суваналиев жеке көзөмөлүнө алды.
Бир нече күн мурда Каракол шаарында да окуучулардын калайман мушташы чыгып, мээсинен операция болгон бир окуучу азыр ооруканада жатат. (JsA)
Дагы караңыз
"Кемпир-Абад" суу сактагычынын кыргыз тарабында нааразылык акциясы өтүүдөАКШ элчилиги гендердик зомбулукка каршы акцияда зомбулук көрсөткөндөрдү жазалоого чакырдыМушташтан жабыркаган окуучуга операция жасалды, эки шектүү үй камагына алындыЖол боюндагы камераны талкалап кеткен айдоочуга иш козголду