Коронавируска каршы күрөш боюнча штабдын 11-апрелде берген маалыматына караганда, акыркы бир сутка ичинде COVID-19 илдетинен үч киши каза болду.
Саламаттык сактоо министрлигинин жаңы эсебине ылайык, коронавирус пандемиясы башталган 2020-жылдын март айынан бери илдеттин курмандыктары жалпысынан 1522 кишиге жетти.
Вирус акыркы бир суткада 208 кишиден аныкталды. Оору жугузуп алгандардын көбү Бишкекте жана Чүйдө. Ушуну менен пандемия башталгандан бери инфекцияны жугузуп алгандардын жалпы саны 90 227 адамга жетти.
838 бейтап ооруканада, 978 адам үйдө дарыланууда. (BCh)
Дагы караңыз
Түркияда эки шайлоо тилкеси ачылдыШайлоо жана референдум: түшкө чейинки жагдайБир нече партия кайра шайлоо өткөрүүнү талап кылуудаШайлоо жана референдум күнү