Ош шаарында бүгүн 10-апрелде 1519 адам добуш берди.
Бул тууралуу аймактык шайлоо комиссиясынын төрагасы Муктар Пайзылдаев билдирди. Мыйзам боюнча шайлоо өнөктүгүнө катыша албаган жарандар аймактык шайлоо комиссиясына арыз менен кайрылышы керек.
Бүгүн таңкы саат сегизден баштап добуш берүү башталган. Майыптыгы бар адамдар жана кары-картаңдар үйүнөн добуш беришти.
Ош шаарында 151 960 жаран референдумга, 151 671 адам шаардык кеңештин депутаттарын шайлоого катышат.
Мыйзамга ылайык шаарда каттоого турбаган адамдар референдумга гана добуш бере алат.
Жергиликтүү кеңештерге шайлоо жана Баш мыйзамдын жаңы редакциясына добуш берүү 11-апрелде өтөт. Партиялар утуп чыгышы үчүн 7 пайыздык босого чектен өтүшү зарыл.
Ош шаардык кеңешиндеги 45 мандат үчүн 9 партиядан 707 талапкер катталган. (MrA)
Дагы караңыз
Мээрим менен Айпери Олимпиадага жолдомо алдыАксынын кайык менен каттаган айылы добуш бердиЭкс-президент Роза Отунбаева COVID-19га каршы эмдөөдөн өттүCOVID-19: Орозо айы жакындаганда Пакистан, Иран жана Түркияда коронавируска чалдыккандар кескин өстүCOVID-19 вирусун жуктуруп алган 27 бейтаптын абалы өтө оор