АКШ Украинаны колдоо үчүн Кара деңизге кошумча аскер кемелерин жибериши мүмкүн экенин CNN телеканалы өлкөнүн Коргоо министрлигине шилтеме берип, кабарлады.
Пентагондун өкүлү телеканалга курган маегинде АКШнын аскер-деңиз флоту Кара деңизге эбак эле киргенин тактады.
Анын айтымында, деңизге кошумча аскер кемелерин киргизүү Орусия үчүн АКШ Украинанын чыгышындагы чыңалууга кылдат байкоо салып турганынан кабар берген өзгөчө белги.
CNN телеканалы конвенцияга ылайык, Вашингтон аскер кемелерин Босфор жана Дарданелла кысыгынан өткөрүү үчүн Түркияга эки жума мурун кабар берүүгө милдеттүү экенин жазды. Ошол эле кезде сырттан Кара деңизге кирген аскер кемелеринин жүгү 30 миң тоннадан ашпоого тийиш экени маалыматта эскертилген.
Бирок CNN Анкарага расмий билдирүү жиберилгенин тактаган эмес.
Мындан сырткары Пентагондун өкүлү АКШ эл аралык аба мейкиндигинен аба чалгынын улантып, асмандан Кара Деңиздеги орус флотунун активдүүлүгүнө байкоо жүргүзө турганын билдирди.
Анын айтымында, Вашингтон азырынча украин чек арасында Орусиянын аскердик күчүнүн көбөйүшүн кол салууга даярдык катары карабайт.
Дагы караңыз
Күбө: Айзаданы уурдашканы тууралуу милицияга 7:21де маалымат бергемЭмомали Рахмон Ворухка келдиIRI: Соңку окуялар саясатчылардын салмагын өзгөрттүCOVID-19: Ооруканада жана үйдөн дарылангандар кыйла көбөйдү