29-мартта Тоң райондук ички иштер бөлүмүнүн убактылуу кармоочу жайында жаткан 19 жаштагы А.С. аттуу адам муунуп каза болгонун анын туугандары "Азаттыкка" билдиришти.
Маалыматты облустук ички иштер башкармалыгынын басма сөз катчысы Сталбек Усубакунов ырастады.
Суицидге барган адам Жазык кодексинин 161-беренеси ("Зордуктоо") менен айыпталып, эки айга камакка алынган.
«Каза болгон шектүү январь айында 36 жаштагы аялды зордуктаган деп кармалган. Тоң райондук соту 1-мартта аны эки айга камакка алуу чечимин чыгарган. 25-мартта кылмышка шектүүнү Тоң райондук милициясы райондук сотко алып келген. Бирок кийинки сот 15-апрелге белгиленип, ал убактылуу кармоочу жайга киргизилген».
Милиция жана туугандары анын эмне себептен өз жанын кыйганын кабарлай элек.
Учурда бул факты боюнча Ички иштер министрлигинин ички иликтөө кызматы териштирүү жүргүзүп жатат. (MiK/KS)
Дагы караңыз
“Кумтөр”- акталбаган үмүттөр” деп аталган китеп жарык көрдү ИИМ шайлоого байланыштуу 78 маалымат боюнча териштирүү жүргүзүп жататТекебаевдин мандаты анын ишинде фигурант болгон Абдылдаевге берилдиТалас: аким сынактан эки орун басар өтпөй калды, бир аким кызматтан кеттиАкыйкатчы Башкы прокуратурадан Ниязовдун баш коргоо чарасын өзгөртүүнү өтүндүСайдулла Нышанов "Ата Мекен" фракциясынын лидери болуп шайланды