Жогорку Кеңештеги "Ата Мекен" фракциясынын лидери болуп депутат Сайдулла Нышанов шайланды. Ал эми фракция лидеринин орун басары кызматы депутат Шайлообек Атазовго берилди. Бул тууралуу Жогорку Кеңештин расмий сайтында бүгүн, 30-мартта жарыяланды.
“Шайлоого жети депутат катышты. Бардыгы бир добуштан менин талапкерлигимди колдошту. Мен “Ата Мекен” партиясынан чыкканым менен фракциянын курамында калгам”, - деди Нышанов.
4-февралда Жогорку Кеңештин жыйынында Сайдулла Нышанов “Ата Мекен” партиясына мүчөлүк кылууну токтотконун жар салган.
Нышанов 2005-жылы III чакырылыштагы Жогорку Кеңештин депутаты болуп шайланган. "Ата Мекен" социалисттик партиясынын тизмеси менен алгач 2012–жылы бешинчи чакырылышка, 2015-жылы азыркы алтынчы чакырылышка депутат болуп келген.
“Ата Мекен” фракциясын Нышановго чейин жетектеп келген Өмүрбек Текебаевдин мандатын 29-мартта Борбордук шайлоо комиссиясы Жогорку соттун чечими менен ажыраткан.
120 мандаттуу кыргыз парламентинде алты фракция бар. Парламентте "Ата Мекенден" 11 депутат бар. (MiK)
Дагы караңыз
Сыймык Жапыкеев Ысык-Көл облусунун прокурору болуп дайындалдыТашиев: Сох анклавындагы Кайтпаc, Өтүкчү чек ара бекеттери ачылдыАскердик автоунаа катышкан кырсыкта ырчы Нурзат Ажыгожоева кайтыш болдуCOVID-19: Бишкектеги балдар аянтчалары кайра жабылатКоронавирустан улам чет өлкөгө бир катар авиакаттамдар токтотулдуАкыйкатчы Башкы прокуратурадан Ниязовдун баш коргоо чарасын өзгөртүүнү өтүндүТаласта Нылды айылынын тургундары митингге чыгышты