Жогорку Кеңештин Экономикалык жана фискалдык саясат боюнча комитети күнүмдүк керектөөчү азык-түлүктүн, күйүүчү, майлоочу майлардын баасын турукташтыруу жана кыргыз-кытай чек арасындагы жүк ташуучулар боюнча чараларды угуу үчүн өкмөттөн маалымат алат.
30-марттагы комитет жыйынына вице-премьер-министр, экономика жана финансы министри Улукбек Кармышаков баштаган бардык өкмөт мүчөлөрү катышат.
Буга чейин Жогорку Кеңештин айрым депутаттары кыргыз өкмөтүн азык-түлүк жана башка товарлардын кескин кымбаттоосуна каршы чараларын угуу үчүн парламентке чакырышкан.
Расмий маалыматка караганда, СOVID-19 илдетине байланыштуу чектөөлөрдөн улам бир жыл ичинде Кыргызстандын ички дүң продукциясы 8,6% төмөндөп кетти.
Өлкөдө соңку айларда дээрлик бардык тармактарда кымбаттоо өкүм сүрүп турган чак. Азык-түлүктүн, күйүүчү майдын жана башка товарлардын баасы кескин өстү. Расмий түрдө жалпы инфляция 9,7% делгени менен айрым товарлар 50% чейин кымбаттады. (TSh)
Дагы караңыз
Милиция: Музейдеги баалуу буюмду уурдоого аракет кылган чет элдик кармалды“Манас”: эпидемиологиялык кырдаалга байланыштуу бир катар эл аралык каттамдар токтотулду (тизме) Элчи: Бишкек Венеция комиссиясынын конституциялык реформа боюнча корутундусун карайтУКМК: Жалил Атамбаев дагы 50 млн. сом төлөп берди