Бишкекте бүгүн, 26-мартта "COVID-19 кыргызстандыктардын үнү менен" электрондук китебинин бет ачары болуп өттү. Кыргызстанда коронавирус эпидемиясынын эң оор учурундагы абал тууралуу баяндаган электрондук маалымат ресурсунда пандемиянын экономика, билим берүү, жалпыга маалымдоо каражаттары, медицина тармактарына жана катардагы жарандарга тийгизген таасири жөнүндө жүздөн ашуун маек бар.
Маектерди журналисттер Бактыгүл Чыныбаева жана Кайыргүл Урумканова жүргүзүп, топтошкон.
Бул сайттан “кызыл зонада” иштеген адамдардын, оорудан сакайып чыккандардын, каза болгондордун жакындарынын маектерин таап укса, окуса болот.
«Кыргызстандыктардын пандемия маалындагы үнү» деген долбоорду Борбор Азия Университетинин (БАУ) «Жарандык коомдун демилгеси» программасы ишке ашырды. Улуу Британиянын Кыргызстандагы элчилиги колдоосун көрсөттү.
Сиздин браузер HTML5 ыкмасын колдобой жатат.
"COVID-19 кыргызстандыктардын үнү менен"
Долбоордун максаты – коомчулукка жарандык коомдун пандемия маалында топтогон тажрыйбасы тууралуу так маалымат жеткирүү.
Кыргызстанда 2020-жылдын март айынын этегинде башталган коронавирус эпидемиясы июль айында курчуп, көп киши каза болгон. Сентябрдын башында каза болгондор катталбай калган. Оорунун экинчи толкуну октябрда башталып, соңку айларда ооруну жугузуп алгандардын саны кыйла азайган жана күнүнө 30га жетпеген бейтап катталып жаткан. Айрым адистер азыр эпидемиянын үчүнчү толкуну башталганын айтып жатышат.
Коронавирус Кыргызстанда 87 миңден ашуун адамга жугуп, 1,5 миңдей адамдын өмүрүн кыйды. (RK)
Дагы караңыз
Баштала элек эмдөөдөн баш тарткандар чыктыCOVID-19: Өкмөт абал кооптуу экенин эскерттиПандемия: Кимди жоготтук?Вирус сынаган кыргыз медицинасыКыргызстан коронавирус курмандыктарын эскердиCOVID-19: үчүнчү толкун жана токтобогон өлүм Пандемияга бир жыл: Сабактар жана жыйынтыктарCOVID-19: Вирус менен күрөшкөн бир жыл