Бишкектин Свердлов райондук соту 16-мартта активист Тилекмат Кудайберген уулунун (Куренов) бөгөт чарасын жабык карады. Соттун чечими менен активист бир айга №1 Тергөө абагына камалды.
Ал сот залынан милиция кызматкерлеринин коштоосунда чыгып баратып нааразылык иретинде ачкачылык кармай турганын билдирди:
«Бүгүн 16.00дөн тартып мен толук ачкачылык жарыялайм", - деди.
Тилекмат Кудайберген уулу 15-мартта Бишкекте кармалган. Кийинчерээк ал Facebook түйүнүндөгү билдирүүсүндө бийликти кулатууга чакырыктар бар деген негизде кармаганы белгилүү болгон.
Активист Жазык кодексинин 310-беренеси («Бийликти күч менен басып алууга ачык чакырыктар») жана 264-беренеси («Массалык баш аламандыктар») менен айыпталып жатат.
9-мартта башкалаада Конституциянын жаңы долбооруна каршы өткөн тынчтык митингин Тилекмат Кудайберген уулу алып барган.
15-мартта анын үйү жана ал мүчө болгон «Ханституцияга каршы» борборунда да тинтүү жүргүзүлгөн. (NT)
Дагы караңыз
Бишкек милициясынын убактылуу кармоочу жайында 66 кишиден пневмония аныкталдыCOVID-19: Кыргызстанда бир күн ичинде 4 миңден ашуун тест изилдендиСот активист Кудайбергеновдун бөгөт чарасын жабык карап жататМолдокматов: активист Камчы Нурбек уулунун дайыны белгисиз болууда