Ош облусунун Кара-Суу районуна караштуу Нариман айылындагы уулануунун себеби текшерилүүдө.
Бул тууралуу «Азаттыкка» Ош шаардык санитардык-эпидемиологиялык көзөмөлдөө борборунун башкы дарыгеринин орун басары Мамирасул Өмүрзаков билдирди. Анын айтымында, уулануудан кийин 50 жаштагы аял Нариман ооруканасында 10-мартта кайтыш болду. Ош шаарындагы ооруканада жаткан дагы бир бейтап 11-мартта оорусу өтүшүп кетип каза тапты.
"6-мартта Нариман айылынын тургуну 60 жылдык маарекесине арнап той өткөргөн. 7-8-9-март күндөрү тойго келген кишилерде уулануунун белгилери болгонуна карабай үйлөрүндө өз алдынча дарыланып жүрө беришкен. 9-март күнү той ээси Нариман аймактык ооруканасына жаткырылган», - деди Мамирасул Өмүрзаков.
Саламаттык сактоо министрлиги азыр ууланган он киши ооруканада экенин маалымдады.
2-мартта Аксы районунда алты киши спирттен ууланып каза тапкан. (DU)
Дагы караңыз
Жогорку Кеңеш жалпы жыйындарын Нооруздан кийин улантмай болдуПрезидент Садыр Жапаров Өзбекстанга мамлекеттик сапар менен жөнөп кетти Депутат Бакиров: Өкмөт иштебей жатат, кымбаттоо чоң чыңалууга алып келетТуш кийиз философиясын жайылткан akbata.online санарип долбоору башталды