Польшада украиналыктар бараткан автобус кырсыкка кабылып, алты киши жан берди, 41и жараат алды. Украинанын Тышкы иштер министрлигинин маалыматына ылайык, ондогон адам бараткан автобус арыкка кулап түшкөн.
Окуя 6-мартта Польша менен Украинанын чек арасына жакын Ярослав шаарында болгон. TNV24 телеканалы Украинанын мамлекеттик номуру тагылган автобуста 57 киши баратканын маалымдады. Авариянын чоо-жайы тууралуу кенен маалымат бериле элек.
Польшада көп сандаган украин мигранттары иштешет.