1-марттан тарта өлкөдө бардык дүкөндөр, китепкана, музей, зоопарктар иштей баштайт. Ачык абада он беш адамга чейин чогулууга уруксат берилди. 1-марттан тартып 16 жаштан жогоркуларга спорттук, маданий иш-чараларга катышууга тыюу алынды. Бирок ресторандар кеминде 22-мартка чейин жабык болору кабарланган. Ошондой эле адамдар бардык жерде 1,5 метрлик аралыкты сактоого тийиш.
18-январдан тартып күнүмдүк керектүү товарларды саткан дүкөндөрдүн ишине уруксат берилген. Айрым дүкөндөр буйрутмага гана иштешти.
Чектөөлөрдү жумшартуунун кийинки этабы 22-мартка каралган. Анда кандай чектөөлөр алынарын өкмөт 19-мартта маалымдайт. Анда жабык жерлерде спорт мелдештерин өткөрүүгө уруксат берилери, ресторандардын сырттагы террасалары ишке кирери күтүлүүдө. Эпидемиологиялык кырдаал жакшы болсо ресторандардын толук кандуу иштөөсүнө уруксат берилиши да ыктымал.
Швейцарияда коронавирустун экинчи толкуну 2020-жылдын июнь айында башталган. 4-5-ноябрь күндөрү өлкөдө оору жуктургандардын саны суткасына 10 миң кишиден ашкан.
1-мартка карата 554 932 адамга коронавирус жугуп, 507 856 адам айыкты. 9966 адам оорудан көз жумду.
2019-жылдын аягында Кытайдын Ухань шаарында пайда болгон COVID-19 вирусу аз убакытта дүйнөгө жайылган. Бүгүнкү күнү илдетке 221 өлкө кабылып, жалпы 115 млн. жакын адам вирус жуктурду. Оорудан 2,5 млн. ашуун адам көз жумду. 90 млн. ашуун адам сакайып чыкты.
Дагы караңыз
Иран Батыш менен бейрасмий жолугушуу сунушун четке кактыКазакстан: "Кеттлинг" бөгөтү коштолгон нааразылык чаралары өттүСадыр Жапаров: "Кытайдан айрымдар мекенине кайтып келе алган жок"Айсулуу Тыныбекова кезектеги алтынын жеңди (финалдагы видео)Грузин оппозициясы чатыр тигип, нааразылык акциясын күчөттүЖогорку Кеңештин депутаты Алмазбек Акматов дүйнөдөн мезгилсиз кайттыМитинг: Ошто депутаттар, Бишкекте активисттер чыкты Казакстанда журналист Казис Тогузбаев каза болду