Беш жылда жергиликтүү кеңешке шайлоочулардын саны 600 миңден ашуун адамга көбөйдү. Бул тууралуу Борбордук шайлоо комиссиясы маалымдады.
11-апрелде 448 жергиликтүү кеңешке шайлоо өтөт. Мунун ичинен 28и шаардык, 420сы айылдык кеңештер. Жалпысынан жергиликтүү кеңештерге 8326 депутат шайланат. Алардын ичинен аялдар үчүн 2858 квота берилген.
448 жергиликтүү кеңешке шайлоого 3 304 485 адам добуш берет. Бул 2016-жылкы шайлоодогу добуш берүүчүлөрдүн санына караганда дээрлик 600 миң шайлоочуга көп. Жергиликтүү кеңештердин депутаттарын шайлоо 2274 шайлоо участогунда жүрөт. 2016-жылы 2152 шайлоо тилкеси болгон.
11-апрелде Бишкек, Ош шаардык кеңештерине да шайлоо болот. БШКнын маалыматына караганда, Бишкек шаардык кеңешине шайлоого катышуу ниетин билдирип, 22 партия кайрылган.
Жергиликтүү кеңештерге шайлоого катышууну көздөгөн партиялардын арыз берүү мөөнөтү 1-мартта аяктайт. (ZKo)
Дагы караңыз
Орусия жана Беларустун лидерлери Сочиде жолугатУКМК кыргызстандык жарандар Тажикстанда барымтага алынды деген маалыматты төгүндөдүТоктонасыров: Митингге чыгуунун сатиралык жолун тандадымАКШда коронавирустан каза болгондордун саны жарым миллионго жакындадыКыйноого каршы борбордун жетекчиси Абылгазиев менен Матраимовго жолугуп чыкты"Токтогул" суу сактагычында суунун көлөмү азайдыМирзиёевдин эрке күйөө баласы кырсыктадыБишкек-Ош жолунда оор жүк ташуучу унааларга убактылуу чектөө киргизилдиБШК: Атазовдун мандат алышы соттун чечимине жараша болот