Дүйнөлүк саламаттык сактоо уюму Европанын көп мамлекеттеринде коронавируска чалдыккандардын саны азая баштаганы менен, карантин чараларын шашылыш жоюу кооптуу экенин эскертти.
Уюм коронавирустун мутацияланган түрлөрү жайылып, эмдөө маселеси создугуп жатканын жүйө кылды.
Британияда, Түштүк Африкада жана Бразилияда пайда болгон коронавирустун жаңы түрлөрүнүн ондогон мамлекетте аныкталганы кооптонуу жаратууда.
Саламаттык сактоо уюмунун эскертүүсүнө карабастан Чехия парламенти 11-февралда өзгөчө абал режимин узартуу боюнча өкмөттүн сунушун колдогон жок. Буга байланыштуу өкмөт катаал чектөөлөргө баралбай, түнкүсүн коменданттык саат киргизбей калышы ыктымал.
Дагы караңыз Чехия “Sputnik V” вакцинасын жактыруу боюнча венгр тажрыйбасына кызыгуудаЧехияда октябрдан бери карантин чектөөлөрү киргизилген. Учурда бул өлкө коронавируска чалдыккандардын саны боюнча Европада Португалиядан кийинки эле экинчи орунда турат. Күнүгө вирус орто эсеп менен сегиз миңдей адамдан аныкталууда. 10 миллион калкы бар мамлекетте 18 миңдей адам COVID-19 илдетинен көз жумду.
Дагы караңыз
COVID-19: АКШ мурдагыга кошумча 200 миллион доза вакцина алат Ухандагы иликтөө: Коронавирус жаныбардан тараганСОVID-19: Кыргызстанда эмдөө мартта башталат