Мамлекеттик миграция кызматынын жамааты президент Садыр Жапаровго кайрылуу жолдоп, мекемени жаңы өкмөттүн түзүмүндө өз алдынча орган калтырууну өтүнүштү.
Алардын кайрылуусу кызматтын социалдык түйүндөгү баракчаларында жарыяланды. Ага бир нече адам кол койгону көрүнүп турат.
Президентке кат жазгандар Кыргызстанда жылдан-жылга миграциялык кырдаал курчуп жатканын белгилешип, ушундай шартта кызматтын көз карандысыз иштегени маанилүү экенине токтолушту.
Кайрылган кызматкерлер Миграция кызматынын борбордук аппаратында 44 штат, эки бөлүмдө 11 штат, Орусиядагы өкүлчүлүктө 9 кызматкер бар экенин такташкан. Алар орган акыркы эки жылда өлкө бюджетине 235 млн. сом пайда келтиргенин белгилеп, өздөрүнүн жылдык чыгашасы 32 млн. сомдой экенин белгилешкен.
Дагы караңыз Өкмөттүн мигранттарды ойго салган чечимиӨткөн аптада премьер-министрликке сунушталган Улукбек Марипов өкмөттүн радикалдуу түрдө өзгөртүлгөн түзүмүн алып чыккан. Ал мурда 48 жетекчи башкарган министрлик, агенттик, комитет жана мамлекеттик кызматтарды 12 министрлик жана бир комитетке бириктирүүнү демилгелеген.
Премьер-министрлик кызмат сакталып, анын төрт орун басарынан эки орун басары калган жана өкмөттүн аппарат башчысы кызматы ордунда калган.
Натыйжада парламент 16 жетекчиден турган өкмөттүн түзүмүн, парламент жактырган. Учурда жаңыдан бекитилген түзүмдөгү министрликтерге башка мамлекеттик мекемелерди кошуу, штаттарды кыскартуу иштери жүрүп жатат.
Миграция кызматы мында Тышкы иштер министрлигине биригери маалымдалган. Муну айрым эл өкүлдөрү жана мигранттар сындап чыгышкан. (ErN)
Дагы караңыз
УКМК: Муфтияттын башкы бухгалтери кармалдыБУУ: Түндүк Корея санкцияларга карабай өзөктүк программасын өнүктүрүүдө Зулушев Аида Салянованы Жогорку сотко кайра кайрылууга чакырдыСадыр Жапаров жарлыктардын экинчи партиясына кол койду