Базар-Коргон районунун Арстанбап айылынын тургуну, Орусияда эмгектенген мигрант Кубатбек Досматов айылына спорт зал куруп берди. Спорт зал 500дөн ашуун окуучусу бар Кош-Терек орто мектебинин короосуна курулду. Каражатты ишкер берсе,устачылыкты жалпы айыл эли колго алган.
Жеке ишкерден жергиликтүү эл спорт зал куруп берүүсүн өтүнүп, эки жыл мурун кайрылышкан. Кош-Терек орто мектеби да ашар ыкмасы менен 2005-жылы тургузулган.
Мигрант ишкер Кубатбек Досматов былтыр айылына башталгыч класстар үчүн мектеп куруп берген. (TB)