Президенттикке талапкер Адахан Мадумаров 10-январдагы президенттик шайлоонун жана референдумдун жыйынтыктары тууралуу өз оюн билдирди. Башкаруунун президенттик формасын шайлоочулардын 80%тен ашыгы колдогонун Мадумаров «жомок» деп атады:
«Ушул депутаттардын колу менен эми жаңы Конституцияны кабыл алат. Добуш бергендердин 80%и президенттик башкаруу формасын жактап добуш берди. Эми «ханституция» деп жатпайбызбы, накта хандык системага барабыз. Андан кийин анан чыркырап чыгышат. Бул күндөр алыс эмес».
Мадумаров ошондой эле шайлоочулардын добуш берүүгө аз келишин элдин бийликке ишениминин жоктугу менен түшүндүрдү.
Борбордук шайлоо комиссиясынын (БШК) сайтында электрондук үкөктөрдөн автоматтык түрдө саналган добуштардын пайыздык көрсөткүчү жарыяланууда.
Талапкерлердин арасынан Садыр Жапаров атаандаштарынан кыйла алдыда. Саат 21:00дөгү маалыматка караганда аны шайлоочулардын 79% көбүрөөгү колдоду. Адахан Мадумаров 6,60% добуш алды. президенттик кезексиз шайлоого 17 талапкер катышты.
10-январда президенттик кезексиз шайлоо жана мамлекеттик башкаруу формасын аныктоо боюнча референдум өтүп, анда добуш берүүгө шайлоочулардын 30% ашыгы катышты. (BCh)
Дагы караңыз
Равшан Жээнбеков: Шайлоонун жыйынтыгын тааныймСегизбаев: Шайлоодо баарына бирдей мүмкүнчүлүк берилген жокДеңизге кулап түшкөн индонезиялык учактын «кара кутусунун» сигналы кармалдыМадумаров: Президенттик шайлоо реалдуулуктан өтө алыс өттү (видео)Жапаров: Мыйзамдын диктатурасын орнотобузСадыр Жапаров: Мамлекетти досторго, шопурларга, жардамчыларга жана туугандарга башкартпайм (видео)