Индонезия бийлик өкүлдөрүнүн 10-январдагы айтымында, Жакартадан учуп чыгып, деңизге кулап түшкөн «Sriwijaya Air» аба компаниясынын жүргүнчү учагынын «кара кутусунун» сигналдарын кармоого мүмкүн болду. Учакта 62 киши (анын ичинде 50 жүргүнчү, 12 экипаж мүчөсү) болгон. Бул «Boeing 737-500» жүргүнчү учагы 9-январда Жакартадан Калимантанга карай көкөлөп чыга берип, төрт мүнөттөн соң радардан көрүнбөй калган жана кыйроого учураган.
Аскердик суучулдар учактын калдыгын Ява деңизинде 25 метр тереңдиктен табышкан.
Куралдуу күчтөрдүн башчысы Хади Тяжанто учактын «кара кутусун» тез арада деңиз тереңдигинен алып чыга турганын айтты. Бул кутудагы маалымат ири кырсыктын себебин аныктоодо олуттуу жардам бермекчи.
This is what we know about Sriwijaya Air flight #SJ182 based on ADS-B data.Route: Jakarta to PontianakCallsign: SJY182Aircraft: Boeing 737-500, PK-CLCTake off: 07:36 UTCHighest altitude: 10,900 feetLast altitude: 250 feetSignal lost: 07:40 UTChttps://t.co/fNZqlIR2dz pic.twitter.com/CPzFJdsuJZ
— Flightradar24 (@flightradar24) January 9, 2021
Бул деңиз мейкиндигиндеги сактап калуу аракеттеринин натыйжасында, набыт болгондордун айрымдарынын сөөктөрүнүн бөлүктөрү жана башка заттар кургактыкка алынып чыкты.
Аба каттамдары тууралуу маалыматтарды чогулткан «FlightRadar24» кызматынын маалыматы боюнча, бул учак болжол менен 3,350 метр бийиктикке жеткен соң, бир мүнөт ичинде эле төмөндү карай 3000 метрден көбүрөөк аралыкка шукшурулуп түшкөн.
Дагы караңыз Индонезияда жүргүнчү учагы кыйроого учурап, 60тай киши кырсыктадыЖоромолдорго караганда, аба ырайынын начарлашынын айынан учкучтар адашып калышы да болушу ыктымал.
2018-жылы «Лайон Эйр» (Lion Air) аба жолдору компаниясынын «Boeing 737 Max 8» учагы кыйроого учурап, 189 киши набыт болгон. Быйылкы 9-январдагы кыйроо Индонезиядагы ошол окуядан кийинки экинчи ири кырсык болуп калды. (TT)