Кыргызстанда быйылкы жылы республикалык бюджеттин тартыштыгы 8 миллиард 463 миллион сомдун чегинде болот деп белгиленди. Президенттин милдетин аткаруучу Талант Мамытов 4-январда бюджет боюнча мыйзамга кол койду.
Мыйзам долбоорун Жогорку Кеңеш узаган жылдын 10-декабрында кабыл алган.
2021-жылга карата божомол боюнча, республикалык бюджеттин кирешеси 172 миллиард 891 миллион сом, ал эми чыгашасы 181 миллиард 354 миллион сом болот деп пландалууда.
2020-жылы таңкыстык 29 миллиард сомдон ашуун болду. (RK)