Европа Биримдигине мүчө өлкөлөр 27-декабрда коронавируска каршы эмдөө программасын орток баштады.
Дүйнө жүзүндө 1,7 миллион кишинин өмүрүн алган бул алааматтуу пандемияны ооздуктоонун чарасы катары эмдөө иштери башка айрым өлкөлөрдө буга чейин эле башталган.
Дагы караңыз Иран коронавирустун вакцинасын алыш үчүн четтеги резервдерин колдонууга АКШ макул болгонун жарыяладыЕвропада оболу карыялардын үйлөрүнө (интернаттарына) вакциналар жеткирилүүдө. Европа Биримдиги 2021-жылдын ичинде бардык эрезеге жеткендерди эмдеп чыгуу максатын көздөп жатат.
Дагы караңыз Кыргызстан коронавируска каршы 1 миллион 200 миң доза вакцина алат
Ошол эле учурда бул ынтымакка кирген бардык өлкөлөргө бирдей мамиле кылуу аракети жасалмакчы.
Германиянын саламаттык сактоо министри Йенс Шпан 26-декабрда эмдөө иштерин өлкөдө башкы улуттук иш-аракетке айлантууга чакырды.
Чехияда 10 миңдей вакцина дозасы Прагадагы ооруканага жеткирилди. Чех өкмөт башчысы Андрей Бабиш өрнөк катары өзү да алгачкылардан болуп эмделе тургандыгын айтты.