Түркия Республикасынын Маданият жана туризм министрлигинин алдындагы киноматография департаментинин колдоосу менен «Йерли Дүшүнже» ассоциациясы уюштуруп жаткан «IV түрк фильмдери жумалыгы – Бишкек» саамалыгы 2020 жылдын 18-22-декабрь күндөрү дүйнөнү каптаган COVID-19 себебине байланыштуу Интернет аркылуу онлайн көрсөтүлөт. Бул тууралуу түрк режиссёру Өнер Кылыч кабарлады.
Жумалыкта «Тилсиз», «Кызымдай жыттанып жатасың», «Энем», «Кумурска», «Рафадан Тайфа» (анимациялык) аттуу түрк фильмдери көрсөтүлөт.
2020-жылдын 18-декабрында «IV түрк фильмдери жумалыгы – Бишкек» саамалыгынын гала ачылышы http://www.turkfilmlerihafatsi.com дареги аркылуу кино сүйүүчүлөргө тартууланат.
Эскерте кетсек, аты аталган жумалык Кыргызстандын Бишкек, Ош шаарларында 2017-жылдан баштап өткөрүлүп келет. (MSd)