Келерки жылы президентти, парламентти жана жергиликтүү кеңештердин депутаттарын шайлаш үчүн бюджеттен 858,4 млн. сом каралган. Бул тууралуу өкмөт башчынын милдетин аткаруучу, вице-премьер-министр Артем Новиков 10-декабрда Жогорку Кеңеште билдирди. Анын айтымында, бул каражаттын ичинен 3373 млн. сом 10-январга белгиленген президенттик шайлоого жумшалат. Калганы парламентти жана жергиликтүү кеңештердин депутаттарын шайлоого сарпталат.
Новиков референдум өткөрүү тууралуу парламенттин чечими чыкса, ага сарпталуучу каражат бюджет такталгандан кийин бөлүнөрүн кошумчалады.
Кыргызстанда 10-январга белгиленген президенттик шайлоого мамлекеттик түзүлүштүн формасын аныктоо боюнча референдумду кошо өткөрүүнү кызматын убактылуу тапшырган өкмөт башчы Садыр Жапаров сунуш кылган. Мамлекеттик түзүлүштү аныктоо тууралуу мыйзам долбоору 9-декабрда парламентте биринчи окуудан кабыл алынган. Аталган мыйзам долбоору 10-декабрда экинчи окуудан кароого киргизилген.
4-октябрдагы парламенттик шайлоонун жыйынтыгы 5-6-октябрдагы нааразылык акцияларынан кийин жокко чыгарылган. Октябрь окуяларынан кийин Кыргызстанда бийлик алмашып, алгач президенттик шайлоо, андан кийин Жогорку Кеңешке шайлоо өтөрү кабарланган.
Борбордук шайлоо комиссиясы өлкөдө парламенттик шайлоо келерки жылдын май-июнь айларында өткөрүлөрүн маалымдаган. Мындан тышкары 2020-жылы 12-апрелге дайындалган айрым жергиликтүү кеңештерге шайлоо коронавирус пандемиясынан улам белгисиз мөөнөткө жылдырылган. (ZKo)
Дагы караңыз
Британия менен Евробиримдиктин сүйлөшүүсү жыйынтыксыз аяктадыСарпашев кайра суракка алындыТекебаев: Регламентти бузуп кабыл алган мыйзам үчүн төрага жооп беретБишкектин транспорт башкармалыгынын жетекчиси кызматтан алындыАктивисттер депутаттарга «Маскарачылык жолун» уюштуруштуАКШнын Соода комиссиясы «Facebook» компаниясын сотко бердиБашкы прокурор: Матраимовду калкалаган жокпуз11 айда Кыргызстандын экономикасы 8,1% төмөндөдү