Ирандын сот системасынын ультраконсервативдүү маанайдагы мурдагы башчысы, 89 жаштагы Мухаммад Язди дүйнөдөн кайтты. Бул тууралуу Ирандын мамлекеттик IRNA маалымат агенттиги билдирди.
Ислам Республикасынын негиздөөчүсү Рухолла Хомейнинин шакирти болгон Язди 9-декабрда кайтыш болгону, ал ашказан оорусунан жапа чегип келгени кабарланды.
Мухаммед Язди Ирандын сот системасынын башчысы болуп 1989-жылы Хомейни өлгөндөн кийин бийликке жогорку диний лидер аятолла Али Хаменейи келгенде дайындалган.
Язди бул системаны он жыл, 1999-жылы студенттердин нааразылык акцияларынан кийин кызматтан алынганга чейин башкарган.
2015-жылы Эксперттер ассамблеясын жетектеген.
Ал Ирандагы эң консервативдүү диний ишмерлердин бири деп эсептелет. Ирандын мурдагы президенттери Мухаммад Хатамиге оппозиция болсо, Махмуд Ахмадинежадды колдогону белгилүү.