Орусиянын саламаттык сактоо министри Михаил Мурашко БУУнун Башкы ассамблеясынын атайын сессиясында өлкөнүн COVID-19га каршы вакцинасы 100 миң кишиге сыналганын билдирди.
Аларга Гамалея атындагы институттун «Спутник V» вакцинасы сайылган. Мурашконун айтымында, препаратты иликтөө уланып жатканы анын жигердүүлүгүн көрсөтөт.
«Чогултулган маалыматтар эмдөө өтө күчтүү антиденечелик жана клеткалык иммунитет жаратарын көрсөттү», - деди министр.
Орусия бардыгы болуп үч вакцина иштеп чыкты. «Спутник V» вакцинасынан тышкары «Вектор» илимий борбору «ЭпиВакКорона» вакцинасын ойлоп тапкан. Экөө тең сыноонун бардык баскычтарынан өтүп бүтө электе эле каттоого алынып, эл аралык жана орусиялык адистердин сынына кабылган.
Үчүнчү вакцина – Чумаков атындагы борбордун препараты. Ал азыр үч сыноонун экинчисинен өтүп жатат.
Дагы караңыз
Сурабалдиева жайында бейтаптарга шектүү дарылар таратылганын айттыКонституциялык палата өз чечимине түшүндүрмө бердиКонституциялык палата парламентке жан тарттыЖээнбеков ачкан паркка байланыштуу иш козголдуМайя Санду Днестр боюндагы чатактын күч менен чечилишине каршыПутин армян премьер-министрин колдоого чакырдыКамалган Дыйканбаев, үндөбөгөн «Биримдик»Талант Мамытов Москвага барат