Бишкек шаарынын четинде, Чоң-Арык айылынын жанында жүргүнчүлөрдү ташыган кичи автобус кырсыкка кабылды. Бул тууралуу @korochekg "Телеграм" каналы кабарлап, аңтарылып кеткен транспорттун видеосун жарыялады.
Анда жазылгандай, кырсык 28-ноябрдын таңында катталды.
Видеодо кырсыктын күбөлөрү жабырлануучуларды автобустан чыгарып жатканы көрүнүп турат.
Ички иштер министрлигинин (ИИМ) Жол кыймылынын коопсуздугун камсыз кылуу башкармалыгынын маалыматына караганда, 2020-жылдын тогуз айында 4184 жол кырсыгы катталып, жалпысынан 496 адам каза болду, 6271 адам ар кандай жараат алды. Былтыр ушул эле мөөнөт аралыгында 4 691 кырсык катталып, 529 адам көз жумган. (ErN)
Дагы караңыз
Британия менен Евробиримдик Брекзитти келишим аркылуу жөндөп аяктоого умтулуудаАКШ жана Европа майрамдан кийин COVID-19 жайылышы мүмкүн деп кооптонууда Бишкекте аялдамаларга зомбулукка каршы баракчалар илиндиКытай «лагери» тукумсуз кылган туткундар