Кыргызстанда коронавирустан дарыланып ооруканада жаткан 3136 бейтаптын арасынан 52синин гана абалы канааттандырарлык, калгандарынын абалын дарыгерлер орточо оордукта, оор жана өтө оор деп баалап жатышат.
18-ноябрга карата расмий маалыматка караганда, 897 бейтаптын абалы оор, алар COVID-19 боюнча ооруканада жаткандардын 28% түзүүдө.
Бейтаптардын 3,6% өтө оор абалда, алардын жалпы саны 113 адам.
Мындан тышкары 2074 бейтаптын абалын дарыгерлер орточо оордукта деп мүнөздөп жатышат. Алар ооруканада жаткандардын 66% барабар.
Коронавирус эпидемиясы башталган март айынан бери Кыргызстанда бул оору жуккандардын жалпы саны 68 миңге чамалады. Алардын 1212си көз жумду. (RK)
Дагы караңыз
COVID-19: Кенияда кош бойлуу өспүрүмдөр көбөйдүКыргызстанда быйыл пневмониядан каза болгондор 2,5 эсе көпКыргызстанда «Медайымга рахмат айт» өнөктүгү башталдыЭсеп палатасы: Ооруканалар дары-дармек ташуучу компанияларга 360 миллион сом карызОш шаары COVID-19 эң көп жайылган аймак болууда