9-ноябрга караган түнү Бишкектеги «Орто-Сай» базарында чыккан өрттөн, баштапкы маалыматка караганда, адамдар жабыркаган жок. Бул тууралуу «Азаттык» радиосуна Өзгөчө кырдаалдар министрлигинин басма сөз кызматы кабарлады.
Мекеменин маалыматына караганда, өрт саат 00:18де, базардын Сүйөркулов көчөсүнө жакын тарабында башталган. Окуя болгон жерге өрт өчүрүүчү беш машине барган.
Саат 02:16да өрт чектөөгө алынып, эртең мененки саат 8:55де толук өчүрүлдү.
Өрт каптаган аянт болжол менен 1 800 чарчы метрди түзүүдө.
Кырсыкка эмне себеп болгону азырынча белгисиз. (RK)
Сиздин браузер HTML5 ыкмасын колдобой жатат.
Базардагы өрт соодагерлерди күйгүздү