Ош облусунда ишкер Зафарбек Мирбобоев диний ишмер, маркум Чубак Жалилов атындагы китепкана ачты. Ал жерге эки миң чамалуу диний, адабий жана дүйнөбий илимдерге байланыштуу китептер коюлду. Уюштуруучулар китепкана акысыз кызмат көрсөтөрүн "Азаттыктын" кабарчысына айтышты.
Китепкана Кара-Суу районунун Нурдар айылында 29-октябрда ачылды. Ага диний аалымдар, Чубак Жалиловдун атасы жана уулу катышты.
Китепканадагы китептер - кыргыз, өзбек, орус, англис жана түрк тилдеринде.
Борбор Азияга таанымал диний ишмер, Кыргызстандын мурдагы муфтийи Чубак Жалилов 2020-жылдын 11-июлга оогон түнү 45 жашында пневмониядан каза болгон. (SE)