Коронавируска каршы республикалык ыкчам штабдын бүгүнкү, 27-октябрдагы маалыматына караганда, кечээтен бери бул илдеттен эки адам каза болду, алардын экөө тең Бишкекте.
Жалпысынан көз жумгандардын саны 1 136 адамга жетти.
Соңку бир күн ичинде вирус дагы 568 адамдан табылды. Алардын эң көбү Бишкек шаарында жана Баткен, Жалал-Абад облустарында.
Оору жуккандардын жалпы саны, ошентип, 56 738 кишиге жетти.
Бир күндө 380 адам айыгып чыкты. Азыр ооруканада 3 398 адам жатат, дагы 3 454 бейтап үйдөн дарыланууда.
Коронавирус жуккан медицина кызматкерлеринин жалпы саны 3 597ге жетти, алардын 3 290у айыгып чыкты. Соңку күндө бул оору тогуз дарыгерден табылды.
Кыргызстанда март айынын этегинде башталган эпидемия июль айында курчуп, көп киши каза болгон. Сентябрдын башында каза болгондор катталбай калган. (RK)