АКШнын президенттигине негизги талапкерлер - республикачы Дональд Трамп жана демократ Жозеф Байден үгүт өнөктүгүнүн алкагындагы соңку жолугушууларды өткөрүп жатат.
22-октябрдагы теледебатты өзү үчүн "жеңиш" катары сыпаттаган Трамп тарапкерлеринин санын кеңейтүүгө аракет көрүүдө.
23-октябрда Трамп Флоридада, Байден Делавер штатында жолугушууларды өткөрдү.
Байден бир катар шаарларда коронавируска кабылгандардын жана өлгөндөрдүн саны көбөйгөнүн билдирип, Трамп бул кризисти көзөмөлдөй албай жатканын белгилөөдө.
Байден коронавируска каршы ишенимдүү вакцина чыгары менен америкалыктардын баары акысыз эмдөөдөн өтөрүн айтты. Ага чейин АКШда милдеттүү түрдө беткап тагынуу керектигин белгилеп, пандемиядан азап тартып жаткандарга каржылык көмөк көрсөтүү программасын убада кылды.
Трамп атаандашын "коронавирус кризисин ашырып көрсөтүп жатат",- деп, тарапкерлерин пандемия тез арада бүтөрүнө ишендирүүгө аракет кылды.
Дагы караңыз
Наталья Никитенко баш прокурорго жана ички иштер министрине чукул кайрылуу жолдоду БШК мүчөлөрү аларга кысым болуп жатканын айтышты Тергөөчүлөр БШКнын 3-июлдан берки документтерин тинтүү кылууда БШК президентти мөөнөтүнөн мурда шайлоо 10-январда өтөт деп чечим кабыл алды