Тилек Токтогазиев айыл чарба жана кайра иштетүүчү өнөр жай министри болуп дайындалды. Тийиштүү буйрукка өкмөт башчы, президенттин милдетин аткаруучу Садыр Жапаров кол койгону 22-октябрда расмий кабарланды.
Токтогазиевдин бул кызматка талапкерлигин парламент бир күн мурда көпчүлүк добуш менен колдогон.
30 жаштагы Тилек Токтогазиев мурда ишкерлик менен алектенген. 4-октябрдагы парламенттик шайлоого «Ата Мекен» партиясынын тизмеси менен барган. 7-октябрь күнү анын талапкерлиги өкмөт башчылыкка көрсөтүлгөн.