Талаштуу Тоолуу Карабак аймагында Армениянын Куралдуу күчтөрүнө таандык "Су-25" учагы атып түшүрүлгөнүн Азербайжандын Коргоо министрлиги кабарлады.
Окуя 17-октябрда болду. Азербайжан тарап аталган учак Жабраил районундагы азери аскерлеринин турумуна сокку урууга аракет кылганын маалымдады.
Армениянын Коргоо министрлигинин басма сөз катчысы Шушан Степанян бул маалыматты дезинформация деп сыпаттап, "Фейсбукка" жазды.
Тоолуу Карабак 1988-1994-жылдардагы уруштан соң өзүн Азербайжандан көз карандысыз деп жарыялаган. Ошондон бери аймакты этникалык армян кошуундары башкарат. Ал жактагы жүз миңдеген азербайжан улутундагы кишилери согуш качкындарына айланган.
2020-жылдын 27-сентябрында аймактагы чыңалуу кайра күчөп, киши өлүмү коштолгон жаңжал болууда.
Дагы караңыз
Түркиядагы мекендештер жаштарга ишенетӨ.Абдрахманов: Эски системаны өзгөртмөйүнчө реформа болбойтМинистр Ниязбеков: Милиция саясатка аралашпайтВице-премьер-министр коронавируска каршы иштер чабал экенин айттыС.Жапаров өлкөдөн чыгарылып кетти делген 700 млн. доллар тууралуу пикирин билдирди