Өкмөттүн Нарын облусундагы өкүлү Эмил Алымкулов, Талас облусундагы өкүлү Марат Мураталиев жана Ысык-Көл облусундагы өкүлү Балбак Түлөбаев кызматтан кетүү тууралуу арыз жазганын аймактардагы кабарчыларыбыз маалымдашты.
Ысык-Көл облусундагы өкмөттүн өкүлү Балбак Түлөбаев арыз жазганын өзү ырастады.
Талас облусунда өкүл менен кошо төрт райондун акимдери да кызматтан кетүү арыздарын жазды.
Ошондой эле облустук ички иштер башкармалыгынын башчысы Алмаз Жумабеков төрт райондук ички иштер бөлүмдөрүнүн жетекчилери менен кошо кызматын тапшырганы кабарланды.
6-октябрда Нарында, Таласта жана Караколдо эл чогулуп, бийликти өткөрүп берүүнү талап кылышкан.
5-октябрда парламенттик шайлоонун жыйынтыгына нааразы болгон партиялардын тарапкерлеринин мөөнөтсүз митинги массалык башаламандык менен коштолду.
6-октябрда митингчилер парламент менен президент отурган имаратты, УКМКнын имаратын басып алышты. Ала-Тоо аянтында оппозициячыл партиялардын митинги уланууда.
Парламенттик шайлоонун жыйынтыктарына нааразы партиялар 5-октябрда мөөнөтсүз митингге чыкканын жарыялашкан.(ZKo/KS/MiK)
Дагы караңыз
Асылбек Жээнбеков: Президент өзүнүн легитимдүү укуктарын колдонот Жалал-Абад шаардык мэриясынын алдына эл чогулуп жататТүнкү митингде жаракат алган бир адам каза болдуОшто Жээнбековдун тарапкерлери митингге чыгыштыАянттагы митинг, чечилбеген кризисОшто "Азаттыктын" кабарчысына кол салуу болду (видео)Стамалиева: Кырдаал президент Жээнбековдун көзөмөлүндө