Кыргызстанда 29-сентябрга карата COVID-19 илдети дагы 167 кишиден лабораториялык жол менен жаңы аныкталды.
Коронавируска каршы күрөш боюнча республикалык штабдын маалыматына караганда, илдет жуккандардын саны боюнча Баткен облусу биринчи орунда.
Баткенде 55 кишиден, Ош облусунда 38, Жалал-Абад облусунда 31, Чүй облусунда 15, Ысык-Көл облусунда 11, Бишкек шаарында тогуз, Ош шаарында беш, Нарын дубанында эки, Таласта бир кишиден вирус табылды.
Бир күн аралыгында өлүм-житим катталган жок. Буга чейинки статистикада пандемия башталган март айынан бери вирустун курмандыктары 1064 адамды түздү.
Расмий эсеп боюнча учурда 761 бейтап ооруканаларда, 1484 киши үй шартында дарыланууда.
Марттан бери илдет жугузуп алгандар 46522 кишиге жетти. Анын 42 761и айыгып чыкканы айтылды.
Статистика акыркы күндөрү вируска чалдыккандар улам көбөйүп жатканын көрсөтүүдө. (NT)
Дагы караңыз
СOVID-19: Дүйнөдө илдеттен көз жумгандар бир миллиондон ашты30дан ашык өлкөнүн жарандарына Кыргызстанга кирүүгө уруксат берилдиОшто санитардык эрежелерди сактоо тартиби күчөтүлөт Орусияда бир суткада 8135 адамдан коронавирус илдети аныкталды