«Бүтүн Кыргызстан» боюнча сот 9-сентябрга жылды
Сиздин браузер HTML5 ыкмасын колдобой жатат.
Бишкектин административдик сотунда «Бүтүн Кыргызстан» партиясынын БШКга каршы арызы каралды. Аталган партия парламенттик шайлоого каттоодон баш тарткан БШКнын чечимин жокко чыгарууну суранган болчу. Жараяндын жүрүшүндө эки тарап кошумча өтүнүчтөрдү келтирип, натыйжада сот иши 9-сентябрга жылдырылды. Сот арызды карап жаткан учурда имараттын алдына «Бүтүн Кыргызстан» партиясынын жүздөгөн тарапкери чогулуп, партияны шайлоого катыштырууну талап кылды.