Мамлекет башчы Сооронбай Жээнбеков Беларустун президенти Александр Лукашенкону өлкө президентинин кызматына кайрадан шайланганы менен куттуктады. Бул тууралуу Кыргызстандын президентинин басма сөз кызматы билдирди.
«Сиздин бай тажрыйбаңыз жана кесипкөйлүгүңүз элдин бакубаттыгын жогорулатууга мындан ары да өбөлгө түзүп, өлкөнүн саясий жана экономикалык өнүгүшүнүн жогорку деңгээлин камсыз кыларына ишенем», - деди Сооронбай Жээнбеков куттуктоосунда.
Беларус БШКсы 10-августта жарыялаган баштапкы жыйынтыктарга ылайык, Беларусту 26 жылдан бери башкарып келе жаткан Александр Лукашенко добуштардын 80,23%, Светлана Тихановская 9,9% алды. Калган үч талапкердин ар бири 2% жетпеген көрсөткүчкө ээ болду.
Президент Лукашенконун башкы атаандашы Светлана Тихановскаянын штабы жекшембидеги шайлоонун жыйынтыгын тааныган жок. Алар белгилешкендей, 9-августтагы президенттик шайлоодо Тихановскаяга шайлоочулардын 70-80% добуш берди. (BTo)
Дагы караңыз
Беларустагы түн: Жарылган баш, жаш агызган газБШК Лукашенко «ишенимдүү жеңгенин» жарыялады