Кыргызстанда COVID-19 илдетинен айыккандардын бул оору боюнча жалпы көрсөткүчтөгү деңгээли соңку үч күндө дагы начарлады.
Коронавируска каршы республикалык ыкчам штабдын маалыматына караганда, 29-июнга карата бул көрсөткүч 45,7% болду.
26-июнда сакайып кетүү көрсөткүчү 51,4%, бир апта мурда 58,3% болчу.
Ошол эле учурда оору жуккандардын саны көбөйүүдө.
Жалпысынан 18-марттан 29-июнга чейин өлкөдө коронавирус 5017 адамдан табылды, алардын ичинен 50 бейтап кайтыш болду, 2294 бейтап айыгып кетти.
Өкмөт коронавируска байланыштуу айрым ооруканалардан кошумча орундарды даярдап жатат. (RK)