"Beeline" соода маркасына ээлик кылган "Sky Мobile" компаниясынын директору Евгений Кражандан жана ишкананын бир нече кызматкеринен коронавирус аныкталды. Бул тууралуу маалыматты «Азаттыкка» компаниянын PR-директору Марина Ким ырастады.
Ал вируска кабылган кызматкерлер өздөрүн жакшы сезип жатканын, ага карабай обсервацияга жаткырылганын билдирди. Марина Ким канча кишиден вирус табылганын тактаган жок.
15-июнда Кыргызстандын аймагында 87 адамга коронавирус жукканы такталды. Ушуну менен СOVID-19га чалдыккандар өлкөдө 2372 адамга жетти. (ErN)