Борбордук шайлоо комиссиясынын маалыматына ылайык, «АЮ холдинг» компаниясынын ээси Шаршенбек Абдыкеримов жана Жаныбек Жоробаев Жогорку Кеңештин депутаттык мандатын алышты.
13-майда «Кыргызстан» фракциясынын депутаттары Алмазбек Эргешов менен Жаныбек Исаев мандатын тапшырган. Алар жергиликтүү басылмаларга алдыдагы шайлоого даярданыш үчүн ушул кадамга барганын айтышкан.
2019-жылы 22-сентябрда Бишкекте партиянын VI жыйыны өтүп, анда партиянын саясий кеңеши төрагалыкка парламент депутаты Канатбек Исаевди шайлаган. «Кыргызстан» фракциясынын Жогорку Кеңеште 18 мандаты бар. Фракцияны депутат Алмазбек Батырбеков башкарат.
Башында ишкер Шаршенбек Абдыкеримов турган «Кыргызстан» саясий партиясы 2010-жылы апрелде негизделген.
2020-жылы Кыргызстанда парламенттик шайлоо өтөт.
Шаршенбек Абдыкеримов - Улуттук олимпиада комитетинин жана Күрөш федерациясынын башчысы. (TSh)