Кыргыз-Кытай чек арасындагы өткөрмө бекети Кытайда өтүүчү «Эмгек күнү» майрамына карата 30-апрелден 5-майга чейин жабык болот. 6-майдан тартып кайра ишин жандантат. Бул тууралуу Кыргызстандын Мамлекеттик чек ара кызматы кабарлады.
Алай районундагы «Эркечтам» өткөрмө бекети - Кыргызстан менен Кытайдын ортосунда азыр иштеп жаткан жалгыз бекет. Ал коронавирус пандемиясына байланыштуу январь айында жабылып, Кыргызстандын өтүнүчү менен 15-апрелден тартып ишин кайра жанданткан.
Нарындагы «Торугарт» өткөрмө бекети коронавирус пандемиясына байланыштуу январь айында жабылган боюнча ачыла элек. (ZKo)