Кыргызстанда соңку бир сутка ичинде коронавирус дагы 10 медицина кызматкеринен табылды. Бул тууралуу 24-апрелде Саламаттык сактоо министрлиги кабарлады.
Мекеменин маалыматына караганда, алардын алтоо Нарын облусунда, экөө Ош облусунда жана Ош, Бишкек шаарларында бирден кызматкер.
Жалпысынан бүгүнкү күнгө карата республика боюнча COVID-19 диагнозу менен 172 медицина кызматкери катталды. Алардын 53ү (18и дарыгер, 24ү орто медперсонал, сегизи кенже медперсонал жана үчөө башка адис) айыгып, ооруканадан чыгарылды.
24-апрелге карата COVID-19 жуккандардын жалпы саны Кыргызстанда 656 болду, алардын сегизи каза болду, 322 бейтап айыгып кетти.
656 адамдын 157си Ош облусунда, 147си Бишкекте, 109у Жалал-Абад облусунда, 104ү Ош шаарында, 83ү Нарын облусунда, 42 адам Чүй облусунда, сегизи Ысык-Көл облусунда жана Баткен облусунда алты адам.
Оору жуккан кээ бир дарыгерлер коргонуу чаралары камсыз болбогонун, ал эми өкмөт тийиштүү бардык чаралар көрүлгөнүн билдирип жатышат. (RK)