Садыр Жапаровдун айрым тарапкерлери менен милиция кагылышты. Митингчилер Жогорку Кеңештин имаратын көздөй бет алган учурда милициянын атайын күчтөрү суу чачып, көздөн жаш агызчу газ колдонду. Учурда митингчилер чыгышты көздөй качышты.
Милиция митингчилерди аянттан сүрүп чыгарды
Бүгүн Ала-Тоо аянтында камактагы саясатчы Садыр Жапаровду бошотууну талап кылгандардын митинги өтүп жаткан.
Буга чейин Ички иштер министрлиги митинг учурунда мыйзамга каршы иш кылып, абалдын туруктуулугун бузууга аракеттенгендер катуу жазага тартыларын эскерткен. (BkA)