Тажикстандын Борбордук шайлоо комиссиясынын маалыматына караганда, жергиликтүү убакыт боюнча саат 15:00гө карата парламенттик шайлоодо 3 млн. 700 миң адам добушун берди.
Тажикстан: алты партия ат салышкан шайлоо
Шайлоого Элдик-демократиялык партиядан тышкары дагы алты партия катышууда. Арасында оппозициялык маанайдагы Социал-демократиялык партия да бар.
Тажикстандын президенти Эмомали Рахмон тажик парламентинин төмөнкү палатасына шайлоого №15 шайлоо бекетинен добуш берди.
Шайлоого Рахмондун Элдик-демократиялык партиясы да катышууда. Буга чейинки парламенттик шайлоодо анын партиясы көпчүлүк мандатка ээ болгон. Бул жолу да ошондой эле болот деп күтүлүүдө.
Эл аралык байкоочулардын баамында, Эмомали Рахмон бийликте турган 1994-жылдан бери парламентке таза шайлоо өтө элек. Алардын айтымында, шайлоо бийликтин басымы алдында жана калган партиялар үчүн калыс эмес шарттарда өткөрүлөт.
Тажик парламентинин төмөнкү палатасындагы 63 мандат үчүн 238 талапкер ат салышууда. Анын ичинен 65и партиялык тизме менен, калган 173ү бир мандаттуу округдардан катышып жатат.
Бул 1997-жылы Тажикстанда тынчтык келишими менен аяктаган жарандык согуштан кийин өтүп жаткан бешинчи парламенттик шайлоо.
Эл аралык байкоочулардын баамында, Эмомали Рахмон бийликте турган 1994-жылдан бери парламентке таза шайлоо өтө элек. Алардын айтымында, шайлоо бийликтин басымы алдында жана калган партиялар үчүн калыс эмес шарттарда өткөрүлөт.