Орусия коронавирустан улам Кытай менен чек арасын жабууну чечти. Бул тууралуу орус премьер-министри Михаил Мишустин өкмөттүн 30-январдагы жыйынында жарыялады. Ал Кытай менен чек ара дароо жабыларын эскертти.
- Буйрукка бүгүн кол коюлду жана ал иштей баштады. Биз Ыраакы Чыгыш аймагында чек аранын жабылышына байланыштуу чаралар жана өкмөт көрүп жаткан башка иш-аракеттер тууралуу бардык жарандарга тиешелүү маалыматтарды берет, - деди Мишустин.
Ал Орусиянын аймагында Кытайдан чыккан жаңы вирусту жугузгандар жок экенин белгиледи.
Кытайдын өзүндө өпкөнү сезгенткен инфекцияны 7700 адам жугузганы, кеминде 170 адам каза тапканы ырасталды.