Британ ханзаадасы Гарри жана анын жубайы Меган падышалык үй-бүлө мүчөсү макамынан баш тартышат. Бул тууралуу алар 8-январда билдирүү таратып, убактыларын Улуу Британия менен кошо Түндүк Америкага да арнашарын билдиришти.
Алар падышалык үй-бүлөгө каржы жагынан көз каранды болуп калбаш үчүн иштешерин, ошол эле учурда ханайымдын алдындагы милдеттерин аткара беришерин белгилешти.
Жубайлар кайрымдуулук фондун түзүшөрүн маалымдашкан.
Падышалык сарай алардын каалоосу түшүнүү менен кабыл алынарын билдирди.
Ханзаада Гарри менен америкалык мурдагы актриса Меган Маркл 2018-жылдын 19-майында баш кошушкан. Үйлөнгөндөн кийин алар Сассек герцогдору деп аталышкан.