Кыргызстанда милиция органдары Жаңы жылдык майрамдарга байланыштуу бүгүнтөн тарта күчөтүлгөн тартипте иштей баштады.
Ички иштер министрлигинин маалыматына караганда, мындай тартип 1-январга чейин уланат.
Максат - коомдук тартипти сактоо жана элдин коопсуздугун камсыз кылуу.
Жалпысынан республика боюнча 10 миң ички иштер кызматкери тартипти сактоо иштерине тартылат.
Борбор калаа Бишкекте 2 миң милиционер иштейт. (RK)