Азимбек Бекназаров Кыргызстандын Малайзиядагы атайын жана ыйгарым укутуу элчиси болуп дайындалды. Тийиштүү жарлыкка президент Сооронбай Жээнбеков 26-декабрда кол койду.
Ушул эле күнү кол коюлган дагы бир жарлыкка ылайык, Абдилатиф Жумабаев Бириккен Араб Эмираттарына атайын жана ыйгарым укуктуу элчи болуп дайындалды.
Бекназаров буга чейин баш прокурор, Жогорку Кеңештин депутаты, Убактылуу Өкмөттө вице-премьер-министр кызматын аркалаган.
Жумабаев мурда Кыргызстандын Сауд Арабиядагы, Египеттеги жана Түштүк Африкадагы элчиси кызматында иштеген. (SE)