Кыргызстандын футбол боюнча курама командасы жолдоштук беттеште Өзбекстандын футболчуларынан 1:3 эсебинде утулду. Беттеш Ташкенттин «Пахтакор» стадионунда өттү.
Эми 2022-жылдагы футбол боюнча дүйнөлүк чемпионаттын тандап алуу оюндарынын алкагында кыргызстандык футболчулар 14-ноябрда Жапония, 19-ноябрда Тажикстан менен беттешет. Оюндар Бишкектеги Дөлөн Өмүрзаков атындагы стадиондо өтөт.
Буга чейин кыргызстандык футболчулар Тажикстанга 0-1 эсебинде утулуп, Мьянманы 7- 0, Монголияны 2-1 эсебинде уткан.
2022-жылы Катарда өтө турган дүйнө чемпионатына тандоо оюндарынын алкагында Кыргызстан F тайпасында Тажикстан, Жапония, Мьянма жана Монголия менен ойноп жатат. (BTo)