Өзбекстандын Анжиян облусунда Түштүк Фергана каналындагы №1 ГЭС плотинасынан кыргыз жаранынын сөөгү табылды. Бул тууралуу өлкөнүн Ички иштер министрлигинин «На посту» гезити жазып, окуя 28-октябрда болгонун билдирди.
Маркум эркек киши, анын денесинде зомбулук белгилери табылган эмес, ал кыргыз жараны экени иликтөөнүн жыйынтыгында белгилүү болгон. Соттук-медициналык экспертизанын баштапкы тыянагына ылайык, өлүмгө кырсык себеп болушу мүмкүн. Иликтөө уланууда.