Бишкекте эртеңден тартып жылуулук бериле баштайт. Шаар башчысы Азиз Суракматов быйылкы жылдын жылытуу сезонун 1-ноябрдан баштоо тууралуу тиешелүү токтомго кол койду.
Мэриянын маалыматына караганда объектилерге жылуулук таркатуу процесси бир нече күнгө созулат. Биринчи кезекте жылуулук менен балдар бакчалары, мектеп, оорукана жана социалдык мекемелер камсыз болот.
Андан кийин мурда колдонгон жылуулугу үчүн эч кандай карызы жок болгон турак үйлөргө, мекеме имараттарына жана өндүрүш ишканаларына таркайт.